Алдағы үш жылда 1 миллионға жуық отбасы баспанамен қамтылады
Биыл 16 миллион шаршы метрден астам тұрғын үй пайдалануға берілді. Құрылыс қарқыны былтырғымен салыстырғанда 12 өңірде артқан
Қазақстан 2025 жылға дейін 977 мың отбасыны баспанамен қамтамасыз етуді жоспарлап отыр. Бұл туралы индустрия және инфрақұрылымдық даму министрі Бейбіт Атамқұлов мәлімдеді, деп хабарлайды Sputnik Қазақстан тілшісі.
«2025 жылға дейін 103 миллион шаршы метр тұрғын үй салу жоспарлануда. 977 мың отбасы баспанамен қамтылады», – деді министр үкімет отырысында.
Айтуынша, мемлекеттік инвестицияның 1 теңгесіне 7 теңге жеке инвестиция тартылады.
Атамқұлов биыл елде 17 миллион шаршы метр немесе 163 мың баспана салынуы керек екенін еске салды.
26 желтоқсандағы алдын ала деректер бойынша 16 миллион шаршы метрден астам тұрғын үй пайдалануға берілді. Тұрғын үй құрылысының қарқыны өткен жылмен салыстырғанда 12 өңірде артқан, деп толықтырды ол.
Оқи отырыңыз:
- Келесі жылы баспана қымбаттай ма – Отбасы банк басшысы болжам жасады
- Орал тұрғыны баспана мәселесіне назар аударту үшін өзіне қол жұмсамақ болды
- Көпбалалы отбасы мен жастарға қалай баспана алуға болады
