Саясат
Қазақстан үкіметінің жаңа құрамы ертең белгілі болады
Елдегі бүліктен кейін 5 қаңтарда Тоқаев өз жарлығымен үкіметті отставкаға жіберді.
Премьер-министр міндетін Әлихан Смайылов атқарып жүр
Ертең, 11 қаңтарда Қазақстан президенті Қасым-Жомарт Тоқаев үкіметтің жаңа құрамы бойынша ұсыныс енгізеді.
Бұл туралы ол ҰҚШҰ лидерлерінің онлайн саммитінде мәлімдеді.
«Ертең парламентке үкіметтің жаңа құрамы бойынша ұсыныстар енгіземін», – деді мемлекет басшысы.
Еске салсақ, елдегі бүліктен кейін 5 қаңтарда Тоқаев өз жарлығымен үкіметті отставкаға жіберді.
Қазіргі уақытта премьер-министр міндетін Әлихан Смайылов атқарып жүр.