Қазақ боксшысы қарсыласын нокаутқа түсіріп, чемпиондық белбеу жеңіп алды – видео
Кәсіпқой бокста жеңілмеген қазақ боксшысы Бек Нұрмағанбет WBA екінші дәрежелі чемпиондық белбеуін иеленді
Қазақ боксшысы Бек Нұрмағанбет (4-0, 2 КО) кәсіпқой рингтегі бесінші жекпе-жегін өткізді, деп хабарлады Sports.kz.
Нұрмағанбет Нұр-Сұлтанда өткен «Көшпенділер шайқасы 2» бокс кешінде мексикалық боксшы Бруно Сандовальмен (21-4-1, 17 КО) жұдырықтасты. Олар бос қалған супер орта салмақтағы WBA International чемпионы титулын сарапқа салды.
Жекпе-жек он раундқа жоспарланған болатын, бірақ мерзімінен бұрын аяқталды: Нұрмағанбет бірінші раундта нокаутпен жеңді.
Посмотреть эту публикацию в Instagram
Осылайша Бек Нұрмағанбет кәсіпқой бокстағы бесінші жекпе-жегінде жеңіске жетіп, WBA екінші дәрежелі чемпиондық белбеуін иеленді. Бруно Сандоваль карьерасында бесінші рет жеңіліске ұшырады.
Айта кетері, Нұрмағанбет 2019 жылы әуесқойлар арасында Азия чемпионы болды.