Атырауда шәкірті бапкерге 10 миллион теңге сыйлады
Турнирдің ашылу салтанатында мерейтой иесі Асан Раушановқа «Қазақстанның еңбегі сіңірген жаттықтырушысы» атағы берілді
Атырауда Қазақстан Республикасының құрметті спорт қайраткері Асан Раушановтың жүлдесіне арналған жасөспірімдер арасында дзюдодан республикалық турнир басталды. Бұл туралы ATPress.kz сайты хабарлайды.
Турнирдің ашылу салтанатында мерейтой иесі Асан Раушановқа «Қазақстанның еңбегі сіңірген жаттықтырушысы» атағы берілді.
Шарада шәкірті, Қазақстан Республикасы парадзюдо күресінен бас жаттықтырушы Жандос Қиянов ұстазына өз атынан 10 млн теңгелік сертификат табыстады.
«Асан Сайынұлы көптеген белгілі спортшыларды тәрбиелеген өте білікті ұстаз. Сондықтан да оған қандай қошемет те артық емес деп ойлаймын. Қазақстанның спорт күнтізбесіне енген бұл турнир де ағайымызға деген лайықты құрмет әрі жастардың шыңдалуына керемет мүмкіндік», – деді Жандос Қиянов.
Айта кетейік, жарысқа еліміздің әр аймағынан 300-ге жуық жас спортшы қатысуда.
Оқи отырыңыз:
- Пәтер кілті, жер телімі, үш миллион: Елдос Сметов сыйлықтың астында қалды
- Дикий Арман боксшыларға ақша таратты: тағы бір видео қызу талқыға түсті
- Дикий Арман спортшыларға ақша таратты – министрлік не дейді
