Саясат
Тоқаев бірнеше шенеунікті қызметінен босатты
Президент протоколының бастығы, Сербиядағы төтенше және өкілетті елші, президент әкімшілігінің бөлім меңгерушісі ауысатын болды
Мемлекет басшысы Қасым-Жомарт Тоқаев бірнеше шенеунікті қызметінен босатты. Бұл туралы Ақорданың баспасөз қызметі хабарлады.
«Мемлекет басшысының өкімімен Мәди Атамқұлов Қазақстан президенті протоколының бастығы лауазымынан босатылды», – делінген хабарламада.
Сондай-ақ мемлекет басшысы Ғабит Сыздықбековті Қазақстанның Сербия Республикасындағы төтенше және өкілетті елшісі қызметінен алды.
Ал Алмат Байшолақов Қазақстан президенті әкімшілігінің қауіпсіздік және құқықтық тәртіп бөлімінің меңгерушісі лауазымынан босатылды.
