Алматы-Қорғас тас жолында 17 көлік соқтығысты – видео
Жол апатынан бес адам зардап шекті. Олар Шелек ауылының ауруханасына жеткізілді
Алматы-Қорғас тас жолында жиырмаға жуық көлік соқтығысты.
Посмотреть эту публикацию в Instagram
«25 желтоқсанда сағат 10.00 шамасында Алматы-Қорғас жолының 134 шақырымында қою туман кесірінен 17 көлік соқтығысты», – деп хабарлады Алматы облыстық полиция департаменті.
Жол апатынан бес адам зардап шекті. Олар Шелек ауылының ауруханасына жеткізілді.
Апат орнында патрульдік полиция жұмыс істеп жатыр. Жолдың 84-136 шақырымының арасы жабық. Куәгерлердің айтуынша, жол қатты көктайғақ.
Бұған дейін облыстық төтенше жағдайлар қызметі күн райының бұзылуына байланысты дабылды ескертулер туралы хабарлаған болатын.
Сондай-ақ таңертең ауа райының күрт нашарлауына байланысты Алматы облысында Үшарал-Достық тас жолы жабылды.
Оқи отырыңыз:
- Құтқарушылар ескертуін елемейтін жүргізушілерге айыппұл салына ма – министр жауабы
- Елорда полициясы жүргізушілерге жолда сақ болуды ескертті
